KORRIKA: 5. MAILA ETA 6. MAILA 2022-2023

 Zumaiako Herri Krosa hurbiltzen denean, aitxaki ederra izaten da, korrikako saioak lantzeko. Hori dela eta, LHko goi zikloan (5 eta 6 mailetan) ikasleek 4 saioetan hainbat gauza ikasten dituzte: Saiatzea (taldearen onerako), korrika arnasketa lantzea, korrikarako beraien gaitasunak ezagutzea, bakoitzak egiten duena baloratzea...

Maila bakoitzak bere erronka-ibilbidea dauka: 5. mailarentzat aitxakia "Korrika" gaia hartuta, Zumaia Euskal Herriko 7 hiriburuekin lotzea izan da, denek egiten dituzten kilometroan batuta (gehienez 4 itzuli edo 2 kilometro saioko, kiroldegiko zubitik herriko sarrerako zubiari itzulia emanda, beti ere espaloitik).

6.mailarentzat munduko edozein tokia aukeratu eta bi hirien arteko ibilbidea (saioko gehienez 6 itzuli, guztira 3 kilometro saio bakoitzean eginda. Oraingoan: New York-Otawaraino dauden kilometro kopurua egin behar zuten).

Bi mailek izugarrizko gaitasunak dauzkatela erakutsi zituzten eta erronkan eskatutako baino kilometro gehiago egin zuten.

Zorionak denoi! Denok batera gauza asko lortu dezakezu eta zuen gaitasunak ezagutzen joan ere.

Begira mapetan noraino iritsi diren:

                                                        5. maila

                                                         6.maila

KORRIKA EDO SALTAKA

Gorputz Hezkuntzako saioetan Korrika edo Saltaka lantzerakoan, bira edo kilometro bakoitza zenbat denboratan egiten den neurtu izan da eta izaten da. Azkenean, horrela landuta ikasle askorentzat sufrimendua baino ez da bihurtzen eta saltaka egiteari, bere kasa, azkar uzten diote.

Azken urtetan LH3ko zikloetan saltaka "Korrika" bezala lantzeko egitasmoa bultzatu dugu. 

Era honetara, bakoitzak bere erritmora, ahal duena egiten du taldearen onuran (lau taldeen artean ibilbide bateko kilometroak egin behar baitute; baina denbora kontuan izan gabe, sufrimendua plazerra bihurtuta, bakoitzak bere neurrian taldeko helburuari bere aportazioa eginda.

Saltaka, horrela landuta: 4 taldeen elkarlana ari gara lantzen (lau taldeak dira irabazleak), bakoitzak bere erritmoa bilatu dezala ari gara laguntzen, erresistentzia ari gara lantzen eta prestaketa ere (luzaketen bidez), lagunekin kirola egiten... eta hainbat helburu positibo gehiago.

Korrika Euskal Herrian Zehar: LH 5: Zorionak guztioi! Maulera iritsi eta 77 kilometrotan pasatu duzue, ia Lourdesera iritsi arte. Txalo bero bat zuentzat!!!

MAPA

Korrika Munduan Zehar: LH6: Lan bikaina egin duzue! Zorionak guztioi!

Moskutik Minskeraino erabaki zenuten, eta iritsi ez bakarrik, gainditu ere egin duzue. Earra!

MAPA          

Zorionak LH3 zikloko ikasle guztioi!

KROSERAKO ENTRENAMENDUA LH5-6: “KORRIKA”

Urtero-urtero, Zumaiako Herri Kroseko eguna iritsi baino 3-4 aste lehenago, entrenamendu txikiak egiten ditugu ikasleak animatzeko: luzaketak egin, arnasa nola hartu, erritmoa nola eraman… Baina kiroldegi aurrean dagoen zubiaren eta GKNko zubiaren arteko birak ematea baino ez zen bihurtzen.

Aurten ikasleak motibatzeko, entrenamendu bezala gure “korrika” berezia proposatu genien erronka bezala LH5 eta LH6ko maila bakoitzari. Zumaiatik irten eta Hego Euskal Herriko lau hiriburuak lotu behar genituen beraiek egindako kilometroekin lau saioetan. Eta bai bete ere!

Gehiegi ez nekatzeko eta baliogarria izateko baldintza batzuk jarri genizkien: saltaka egin behar zuten, oinez ez zuen balio, gutxienez bira bat eta gehienez lau egin behar zuen bakoitzak saioan.

Guk gure aurreikuspenak egin genituen, baina bai maila batek zein besteak zeharo gainditu zituzten, eta Zumaiatik hasi zen abentura hau Maulen bukatu zen, Euskal Herriko 7 hiriburuak lotuta geldituz. Primeran!  Ezin hobeto! Zorionak denoi, kilometro asko egin zituenari zein gutxi batzuk egin zuenari ere, denak beharrezkoak ziren eta.

ATLETISMOA 2014-2015

Apirilaren 25ean, maiatzaren 9 eta 16an, Iraetako futbol zelaian Atletismoko topaketak izan ziren. Kirol honetako proba ezberdinak ezagutu eta praktikatzeko aukera izan zuten gure ikasleek: jabalina jaurtiketa, pisu jaurtiketa, hesi lasterketa, erresistentzia lasterketa, abiadura lasterketa, eta altuera jausia. Nahiz eta kategoria bakoitzean irabazleak izan, guretzat denek merezi dute ohore hori, jartzen duten ahalegina kontuan izanik. Zorionak!