EUSKAL JOLASEN TOPAKETAK 3-4.MAILAK 2012

Xiba taldekoek antolatuta, ikasturtero bezala, 3. eta 4. mailakoentzat Euskal Jolasen Topaketak izan ditugu aurten ere. Apirilaren 20an, Lubaki Kiroldegian, Zumaia eta Zestoako ikasleak bildu ziren, Euskal Jolasetan aritzeko eta elkar hobeto ezagutzeko. Argazkietan ikus daiteken bezala, besteak beste, sokatiran, lokots bilketan, sagar bilketan... eta jolas gehiagotan aritu ziren. Kanpoko giroari aurre eginez, kiroldegi barruan izugarrizko giroa sortu zuten eta guztiak gustura ibili ziren.

IGERIKETA 1. MAILA 2011-2012

Aurtengo ikasturtea bukatzeko, maiatzean, 1 mailakoek jarri diote amaiera Igeriketa Kanpainari. Beraientzat lehen urtea izan da; horrek dakarren beldur eta arazo guztiekin, baina urteak pasatu ahala nabaria izaten da hartzen joaten diren segurtasun eta trebezia maila. Hona hemen, gure 1 mailakoen argazki bilduma. Ondo pasa, txipli txapla!

IGERIKETA 4. MAILA 2011-2012

Igeriketa kanpainarekin jarraituz, 2012.urtean sartura, 4. mailakoena txanda izanda. Hauek jada, beraien azken urtea izan dute igeriketa kanpaina honetan eta beraien lehen urtearekin alderatuta hobekuntza izugarria nabaritzen da.

TXURI URDIN 3-4 MAILAK 2011-2012

Urtarrilaren 27an, otsailean zetorren hotz, izotz eta elurra antzemanda edo, 3. eta 4. mailetako ikasleak eta irakasleak Txuri Urdinera joan ziren. Hotz giroa sumatuta, aurretik girotzera joan eta izotzean patinatzen igaro zuten goiza. Bueltatzerakoan geletan eta lagun giroan bazkalduta, egun ezin hobea pasatu zutela esan behar dugu. Aurrera ausartak!

IGERIKETA 3.MAILA 2011-2012

Igeriketa kanpainan 2.mailakoen ondoren, 3. mailakoen txanda izan da. Argazkiengatik denbora osoa jolasean pasa dutela iruditzen bada ere, gehienak osteralean aterakoak direla esan behar dugu; eta jakina! ostirala ur-jolasen eguna da. Hala ere, igeriketako irakaslearen iritziz oso maila ona eman dutela aipatu behar dugu. Zorionak eta animo guztioi!