2019-2020 3. MAILA IGERIKETA

Bihar, otsailak 7, 3. mailakoek Igeriketako ikastaroa bukatuko dute. Ura, gure bizitza ohikoan mugitzen ez garen ingurunea da, baina ez dugu ahaztu behar uretako ingurunea oso hurbil daukagula eta sarritan erabiltzen dugula. Beraz, funtsezko trebetasunak ikastea, edota batzuetan, sakontzea, beti etortzen dira ondo. Gainera, ariketa, jolasekin eta lagunen artean ikasteak, beti ematen du konfiantza gehiago.
Eskerrik asko Irati! eta Lubaki Igerilekuko sorosle eta begiraleei!

2018-2019 IGERIKETA 1 MAILA

Maiatzaren 2tik 29era, gure lehen mailako ikasleek igeriketako ikastaroan aritu dira. Ikusitakoaren arabera, gutxi batzuen hasierako beldurrak gaindituta, primeran ibili dira beharrezkoa den kirol hau ikasten eta praktikatzen.
Ostiraletan, jolasak ere egin dituzte, eta oso ongi pasa dute.
Asko saiatu dira, eta Iratiren esanetara asko ikasi dute.
Eskerrik asko Irati!
ARGAZKIAK

2018-2019 IGERIKETA 3. MAILA

Igeriketa ikastaroko 3. urtea da hau, eta hiru urte hauetan 

igerian ikasi dugu Lubaki kiroldegiko monitoreei esker (batez ere Iratiri esker). Batzuk bagenekien zerbait, eta sakontzeko aukera izan dugu. Beste batzuek ikastaro honi esker ikasi dugu. Eta onena-onena, denok-denok elkarrekin ikasi dugula! Gure lagunekin eta gelakideekin ikasi dugula. Jada ez diogu beldurrik urari!!!

2017-2018 IGERIKETA 2. MAILA

 
Azaroaren 2tik 29ra, 2. mailako ikasleok hor ibili gara iaz ikasitakoa sendotzen eta hobetzen. Iazko ikasturtean, batzuk oraindik, urari beldurra genion, baina jada gaindituta dugu, eta aurten denok izugarrizko aurrerapena egin dugu igerian. 
Hainbat material, jolas eta ariketen bidez, Iratik, igeriketako irakasleak, asko irakatsi digu: hankak eta besoak nola mugitu, arnasa nola hartu, nola flotatu... 
Eskerrik asko Irati! Oso ondo pasatu dugu! 
Argazki gehiago ikusteko egin klik ondokoan.

2016-2017 IGERIKETA 1 MAILA

Maiatzean zehar 1 mailako ikasleak Lubaki kiroldegira joan dira igerian ikasi edota hobetzea. 

Adin honetan, 6 urte, izugarrizko garrantzia dauka oinarria bermatzea, beldurrak gainditzea, eta autonomia hobetzea. 

Igeriketan ikasteko prozesu honetan, igeriketa berari dagozkion trebetasunak landu eta bereganatzeaz gain, haurrek konfiantzan asko irabazten dute, eta irabazitako horrek bizitzako beste egoerei aurre egiten asko laguntzen die. 
Eskerrik asko kiroldegiko igeriketako begiraleei beraien lanagatik.
Gure ikasleak nola ibili diren ikusteko, argazkiaren gainean klik egitea baino besterik ez duzue.

2016-2017 IGERIKETA 3. maila

Abenduaren 2tik urtarrilaren 20 arte, 3. mailako ikasleak hor ibili dira Lubakiko igerilekuan azken bi ikasturtetan landutakoa sakontzen, urari azken beldurrak gainditzen eta talde giroan, lagunen artean, uretan jolasten, igerian ikasi dute. Baina igerian ikasteaz gain, autonomian irabazten dute, eta bere buruengan izugarrizko konfiantza hartzen dute. Beraz eskerrik asko Foru Aldundiari, Udaletxeari, eta batez ere Lubaki kiroldegiko igeriketako monitoreei. Gela bakoitzeko argazkiak ikusteko egin klik dagokion tokian:
Igeriketa 3A
Igeriketa 3B
Igeriketa 3C
Igeriketa 3D

IGERIKETA 2016-2017 2. MAILA

Badira urte asko gure ikastetxeko hezkuntza egitarauan igeriketa ikasteko edukiak lantzen ditugula. Aurten ere, Foru Aldundia eta Udaletxearen laguntzarekin gure 1-2-3. mailetako ikasleek aukera paregabea izan dute Lubaki kiroldegiko monitoren ardura eta gidaritzapean dakitena sakontzeko eta gauza berriak ikasteko.
Azaroaren 4tik abenduaren 1era, 2. mailako ikasleak hor ibili ziren era atsegin eta dibertigarri batean oinarrizko uretako trebeziak garatzen: oso garrantzitsua beso-hanka eta arnasketa koordinazio lortzeko, eta uretan era egokian ibiltzeko. Hor dauzkazue gela bakoitzeko argazkiak:
Igeriketa 2A
Igeriketa 2B
Igeriketa 2C
Igeriketa 2D

IGERIKETA 2014-2015 1. MAILA

Maiatzean zehar Lubaki kiroldegiko igerilekua arrain txikiz bete da. Hasiberriak izanik, hor ibili dira, bakoitzak dauzkan beldurrak gainditu eta igerian ikasten. Ikastaroko lehen egunean ikusi edo azken astean ikusi, aurrera-pausu handiak egin dituzte denak: hasierako txipli-txaplak mugimendu koordinatuak bilakatu dira, arnasketan ere aurrera egin dute, ausardian eta autonomian; eta batez ere elkarrekin konpartitu dituzte une horiek. Animo eta datorren ikasturtean hobeto!

IGERIKETA 3. MAILA 2014-2015

3. mailako ikasleentzat aurtengoa izanda igeriketako azken urtea Igeriketako kanpainaren barruan. Hiru ikasturteetan zehar izugarriazko aldaketa garatzen dute: ikasle bera orain edo lehen urtean ikusi zeharo ezberdina da igeriketan. Batzuek hasierako beldurra gainditu, eta gai dira igerian egiteko arnasketa kontrolatuta; beste batzuek esku-hanka eta arnasketa koordinazioa barneratu dute; eta badaude ere, lehen zituzten gaitasunak trebatu dituztenak. Beraz, gehienek oinarrizkoa menperatuta bukatu dute. Hemendik aurrera bakoitzak lan egin behar du dakiena hobetzeko. Eskerrak eman nahi dizkiogu kiroldegiko igeriketako irakasleei, beraien jarduna eta pazientziagatik.

IGERIKETA 2. MAILA 2014-2015

Ez dira arrain makalak! Iaz hasi igeriketako ikastaroan eta aurten ikusten duzue, argazkietan, nola dabiltzan: zein erraztasunekin moldatzen diren uretan, nolako ziurtasuna irabazi duten (beldurrak uxatuta), eta nola hobetu duten beraien autoestimua egin duten aurrerapenarekin lagun artean. Datorren ikasturtean azken ikastaroa izango dute, eta denek igeriketako oinarrizko trebetasunak lortuko dituzte: flotatzen, arnasa hartzen, eta beso-hankak era egokian koordinatzen.

IGERIKETA 4. MAILA 2013-2014

4. mailakoentzat hau izan da azken igeriketa kanpaina. Otsailaren erdian hasi eta martxoaren erdi arte, hor ibili dira txipli-txapla aurreko urteetan ikasitakoa sakontzen eta trebetasun berriak ikasten. 4 urteetan zehar, ikasturte bakoitzean 20 egun jarraian kiroldegira joaten ibili dira, eta hain oinarrizkoa eta beharrezkoa den trebetasuna ikasi eta hobetzen jardun dute Udaletxearen eta Foru Aldundiaren laguntzari esker. Eskertu behar ere, nola ez! ikasle guztien igeriketako teknikariei, izan duten pazientziagatik eta erakutsi diguten guztiagatik. Eskerrik asko!

IGERIKETA 2. MAILA 2013-14

Urriaren 30etik azaroaren 28ra hor ibili gara 2. mailako ikasleok maiatzean hasitakoa sakontzen eta igeriketako trebetasun beriiak ikasten. Izugarrizko segurtasuna eta konfidantza hartu dugu. Eskerrak eman nahi diegu Lubaki kiroldegikoigeriketako irakasleei guri hainbeste irakasteagatik. Datorren ikasturtean gehiago eta hobeto. Mila txipli-txapla!

IGERIKETA 1.MAILA 2012-2013

Ezin da ikasturtea era egokiagoan bukatu. Maiatzean zehar 1 mailako ikasleak igerian ikastera eta ondo pasatzera joan gara igerilekura. Batzuek bagenekien zerbait, baina beste batzuentzat igerian lehen esperientzia izan da, eta hasierako beldurrak kenduta, oso ondo pasatu dugu eta konfiantza handiagoarekin atera gara. Orain gehiago aritu behar dugu ikasitakoan trebatzeko. Aio! datorren ikasturte arte. Txipli-txapla!

IGERIKETA 3. MAILA 2012-2013

4. mailakoen ondoren, 3. mailakoen txanda iritsi zen igeriketako ikastaroan. Azken hauek nola ibili ziren lekuko dira argazki hauek. Urtetik urtera haur hauek jarraitu dituenak badaki gehienek nolako aurrerapena izan duten bere igeriketa mailan, nola kendu dituzten beldurrak urari, eta ze konfidantza irabazi duten, ez bakarrik igeriketan, baizik eta pertsona bezala. Animo denoi!

IGERIKETA 1. MAILA 2011-2012

Aurtengo ikasturtea bukatzeko, maiatzean, 1 mailakoek jarri diote amaiera Igeriketa Kanpainari. Beraientzat lehen urtea izan da; horrek dakarren beldur eta arazo guztiekin, baina urteak pasatu ahala nabaria izaten da hartzen joaten diren segurtasun eta trebezia maila. Hona hemen, gure 1 mailakoen argazki bilduma. Ondo pasa, txipli txapla!

IGERIKETA 4. MAILA 2011-2012

Igeriketa kanpainarekin jarraituz, 2012.urtean sartura, 4. mailakoena txanda izanda. Hauek jada, beraien azken urtea izan dute igeriketa kanpaina honetan eta beraien lehen urtearekin alderatuta hobekuntza izugarria nabaritzen da.

IGERIKETA 3.MAILA 2011-2012

Igeriketa kanpainan 2.mailakoen ondoren, 3. mailakoen txanda izan da. Argazkiengatik denbora osoa jolasean pasa dutela iruditzen bada ere, gehienak osteralean aterakoak direla esan behar dugu; eta jakina! ostirala ur-jolasen eguna da. Hala ere, igeriketako irakaslearen iritziz oso maila ona eman dutela aipatu behar dugu. Zorionak eta animo guztioi!

IGERIKETA. 2. MAILA. 2011-2012

Aspalditik daramatza igeriketa kanpainak gure ikastetxeko urteko planean sartuta. Eskola Kirolaren programazioan kirol bat baldin badago txiki-txikitandik ikasi behar dena, hori, IGERIKETA da.
Instituzioek eta ikastetxeak erraztasun guztiak jartzen dituzte kanpaina hau aurrera eramateko. Ikastea eta ondo pasatzea ez direla kontrajarriak jakiteko, gure ikastetxeko 2. mailako haurren argazki sorta hau ikustea baino besterik ez dago.
Bestalde hor beherago dauden iazko argazkiekin alderatzen badituzue, urte batean zenbat aurreratu duten ikusteko aukera izango duzue.

IGERIKETA 1. MAILA 2010-2011

Aurten ere gure ikasleek (1 mailatik 4.mailara) Foru Aldundiak udalarekin eta ikastetxearekin batera antolatzen duen Igeriketa Kanpainan parte hartu dute.
Horren adibide gisa hemen dauzkazue maiatzan zehar igeriketan, igerian ikasi nahian, ibili diren 1. mailako haurrak. Hauek bai ausartak!